Fishta Satirik

.... Te satira politike e Fishtës, permbajtja paraqitet si një rast ose si lehtësi për një lloj të veçantë të ushtrimit formal të gjuhës. Në këtë kuptim edhe vepra "Gomari i Babatasit" nuk mund të jetë një alegori e tranzicionit apo e transdiktaturave, përkundrazi, janë tranzicioni dhe transdiktaturat ato qe vazhdojnë ta bëjnë alegorike veprën.
Le të ëndërrojmë për një moment sikur të mos eksistonin më në Shqipëri "rrugaçat, sallahanat, vagabondat, shakllabanat, rriqnat e ndyet, mikrobt e kqi, që të mjerës moj Shqipni, kthelltë hi i kanë n'mushkni, pa dhimbë gjakun tuj ia pi"..., atëhere natyrshëm do të na lindte pyetja: Po a mund të shkëlqejë më vepra "Gomari i Babatasit"? Natyrisht që jo. Ajo do kthehej thjeshtë në një vepër klasike, muzeale, pra pak a shumë puna e "Lahuta e Malcisë".