Romanca Vol.1 (1960-1975)

Si një nga artistët që vendosën themelet e artit operistik shqiptar, AVNI MULA "Nderi Kombit" (Gjakovë 04.01.1928 Tiranë 29.10.2020) u diplomua në konservatorin "P. I. Çajkovski" në Moskë me medalje ari. Pas kthimit në Shqipëri, ku realizon mbi 30 role si bariton me kryeveprat botërore operistike dhe ato shqiptare, ai lë një vulë të padiskutueshme në belkanto dhe jo vetëm.
Në vitet '60, fillon të krijojë romancat, si dhe këngët e para. Këto i japin famë të re për publikun, jo më vetëm si bariton, por edhe si kompozitor dhe kantautori i parë shqiptar.
Vitet '70, i kushtohen seriozisht kompozimit dhe përveç romancave e këngëve, shkruan kantata, suita, dy opera, "Borana" dhe "Nëna e Trimave", operetën "Karnavalet", poemën simfonike "Nënë Shqipëri", muzikë filmash si dhe tablo koreografike.
Kjo përmbledhje e kuruar, përmban pjesën e parë të romancave, të shkruara gjatë viteve 1960-1975. Vëllimi i dytë, do të ketë në brendësi të tij krijime të viteve 1975-2000, të cilat plotësojnë romancat e krijuara ndër vite të kompozitorit.