Rotshildet Ngritja, Lulezimi Dhe Trashegimia E Familjes

Për familjen Rotshild qarkullojnë mite dhe legjenda të panumërta. Por edhe sikur t'i heqim të gjitha thashethemet, prapëseprapë një gjë nuk tundet nga vendi: Ngritja unike e një familjeje të madhe nga "Rrugica e Hebrejve" në Frankfurt për t'u bërë fuqia e parë financiare e Europës.
Në gjysmën e dytë të shekullit të 18-të, Majer Amshel Rotshild, themeluesi i dinastisë Rotshild, arriti të ngrinte një biznes të lulëzuar për tregtimin e monedhave dhe për kambizëm. Që herët ai arriti të vendoste kontakte me familjet fisnike gjermane, duke realizuar më në fund të gjitha transaksionet e tyre financiare në të gjithë Europën. Bashkë me të ardhurat në rritje u rrit edhe familja. Në vitin 1810 Majeri i beri djemtë pjesëtarë të biznesit familjar, duke themeluar bankën "Mayer Amschel& Söhne". Pas vdekjes, pesë djemtë e tij do ta zgjeronin bankën duke krijuar filiale të saj në Frankfurt, Londër, Paris, Vjenë dhe Napoli. Deri në Luftën e Parë Botërore, Rotshildët ishin jo vetëm banka private më e rëndësishme në botë, duke zënë një pozitë dominuese në financimin e shteteve europiane, por krijuan edhe një sipërmarrje komplekse që operonte në shumë vende të tjera.