Libri I Bebes Djale

Fëmijët janë gjithçka për prindërit e tyre dhe, nga koha që ti kupton se po vjen një fëmijë në jetë e deri kur e prek ndër duar, kalojnë emocione të mëdha, përjeton ndjenja të thella, krijon kujtime të papërsëritshme. Por, si për të gjithë, vitet kalojnë, koha rrjedh pa pushim, ata rriten papritur dhe ato që të mbeten janë vetëm copëza të shkuara që ndonjë ditë, edhe nëse do, mund të mos i kujtosh.
Për t’i mbajtur sa më të gjalla këto kujtime, për të shënuar të gjitha detajet që ngjallin emocione, që nga shkelmimi i parë në barkun e nënës e deri kur bëhet i aftë të eci me këmbët e tij, për të pasur çfarë t’i tregosh fëmijës kur të rritet, vjen ky libër bebesh në formën e tij më tërheqëse dhe më praktike.