Provo Veten 1 Ti, Mund T'ia Dalesh!

Teksti i ushtrimeve "PROVO VETEN! TI MUND T'IA DALËSHI" është hartuar i bazuar në programin shkollor të miratuar nga MASSH, si dhe në kërkesat e reja që shtrohen sot përpara mësimdhënies dhe shkollës sonë.
"NXËNËSIT TË MËSOJNË TË NXËNË NË MËNYRË TË FRYTSHME DHE TË MENDOJNË NË MËNYRË KRITIKE."
Përmbajtja e detyrave të tekstit synon të përgatisë nxënësin si një lexues të mirë duke ndihmuar në zhvillimin e të menduarit krijues të tij, përmes leximit dhe shkrimit. Shumëllojshmëria dhe organizimi i tyre në dy nivele, i shtojnë dëshirën dhe e nxisin nxënësin për një punë cilësore, duke i rritur vetbesimin se mund t'ia dalë, e duke e lehtësuar kështu atë në zotërimin e një të nxëni efikas dhe një të menduari analitik.
Paraqitja grafike është ftuese, argëtuese dhe interesante me synim shmangien e monotonisë dhe ftimin natyrshëm të nxënësit drejt aktiviteteve për përvetësimin dhe vetëkontrollin e njohurive e koncepteve gjatë tërë vitit shkollor. Është bërë kujdes që përmbajtja e detyrave të përfshijë, jo më të vështirën, por atë "të vështirë" të këndshme, tërheqëse dhe interesante që ndihmon dhe nxit zhvillimin e intelektit dhe shton kuriozitetin për informacionin e ri.
Interesant është prezantimi i natyrshëm dhe familjarizimi lehtësisht i nxënësit me metoda e teknika të të menduarit kritik që në klasën e parë, të cilat më pas do të jenë në themel të çdo informacioni apo njohurie që nxënësi do të marrë gjatë viteve të tij të shkollimit. (5-vargëshi, Pema e mendjes, Ditari dypjesësh, Diagrami i Venit etj.)
Me kujdes është punuar për të nxitur dhe mbështetur nxënësin për të garuar me veten dhe me shokun, duke afruar detyra të niveleve të ndryshme për nga paraqitja e formës dhe e përmbajtjes dhe për të mitur kohën produktive të
përqendrimit në një material të ofruar.
I rëndësishëm në këtë material është zgjerimi i horizontit të nxënësit gjatë
mësimit të leximit dhe shkrimit përtej programit mësimor, duke sjellë me thjeshtësi informacione interesante nga përditshmëria e fantazia e tyre, për t'u përthithur e punuar lehtësisht nga nxënësi, me qëllim final për të nxitur e zhvilluar të menduarin.