Kryengritja Shqiptare Lufta TurkO-Malazeze

Ky ditar i misionarit katolik Ernesto Cozzi (1870-1926), i njohur edhe si antropolog dhe studiues i Kanunit, sjell dëshmi të panjohura rreth muajve të rrethimit serbo- malazez të qytetit të Shkodrës. Bëhet fjalë për teatrin më të gjerë dhe intensiv luftarak të shekujve të fundit në Shqipëri, ku 50 mijë serbo-malazez u vunë përballë 30 mijë turqve dhe redifève shqiptarë, luftë nga e cila vuajtën rreth 40 mijë civilë të rrethuar.
Mesazhi i këtij libri është se lufta agresive shkakton vetëm vuajtje, humbje dhe shkatërrime dhe askush nuk është i sigurtë se, edhe nëse fiton një betejë, mund të gëzojë frytet e padrejtësisë. Qyteti i Shkodrës, pas qëndresës heroike të udhëhequr nga Hasan Riza Pasha, iu dorëzua nga Esad Toptani malazezëve, të cilët u dëbuan pas pak javësh nga presioni i Fuqive të Mëdha.