Mehmedi Ii: Nje Sulltan I Perbotshem

Sulltan Mehmed Fatihu ishte një komandant i madh, një organizator dhe ligjvënës i madh shtetëror, një sundimtar mendjehapur që njihte kulturat lindore dhe perëndimore. Ai shkonte me ditë të tëra në fushata me kalë, ecte në këmbë me ushtarët e tij në zonat malore dhe duronte çdo lloj vështirësie. Ai ishte mjaft i guximshëm për të shkuar shpatë-zhveshur kundër armikut kur ishte e nevojshme.
Pas Mehmed Fatihut kanë dalë sundimtarë pushtues në historinë osmane. Megjithatë, nuk ka dalë kush që i jep rëndësi shkencës dhe mendimit aq sa iu përkushtua ai. Mehmed Fatihu ishte një sundimtar i Rilindjes. Ai shpesh ftonte të debatonin në praninë e tij dijetarët kryesorë myslimanë dhe të krishterë të periudhës. Ndonjëherë ai merrte pjesë personalisht në debatet e dijes dhe të shkencës që zhvilloheshin në kohën e tij.