Shporta juaj
Në shportën tuaj nuk ka më produkte
Ka lindur në vitin 1950 dhe ka filluar punën si mësues i matematikë-fizikës, pas mbarimit të IP Shkodër në vitin 1970. Paralelisht ka ndjekur studimet universitare, dega fizikë, pranë FSHN -Tiranë, të cilat i mbaroi në vitin 1976. Aktivitetin profesional e ka ushtruar kryesisht në fushën e mësimdhënies, po edhe në drejtimin e shkollës. Ndjenja e detyrës dhe e përgjegjësisë për mësimin dhe për formimin e brezit të ri e kanë motivuar dhe nxitur për të thelluar nivelin e tij teorik. Në procesin e gjatë të ballafaqimit të logjikës shkencore dhe përvojës vetjake me të vërtetat zyrtare në lëmin e fizikës, ka krijuar mendimin dhe këndvështrimin e vet teoriko-shkencor, të cilat demonstrohen në brendinë e këtij libri. Autori, fillimisht konstaton një boshllëk në trajtimin e komunikimit gravitacional midis dy trupave të cilin synon ta plotësojë nëpërmjet një teorie specifike fizike, ku anashkalohet koncepti i fushës gravitacionale. Libri mund të lexohet nga mësues, pedagogë dhe studiues të fizikës, nga studentë të kësaj dege të shkencës,të matematikës, informatikës si dhe nga lexues të tjerë të apasionauar, të diplomuar në shkencat teknike.