Nga Lufta Te Paqja Ne Ballkan, Ne Lindjen E Mesme Dhe Ne Ukraine

Ky libër synon të analizojë luftërat e njëpasnjëshme në Jugosllavi pas
vitit 1989 dhe më pas vendosjen e paqes në vitet 1990 dhe 2000
deri në ditët e sotme. Unë nuk di përpjekje tjetër të krahasueshme.
Kur një grup studiuesish Fulbright, që shkonin në Ballkan, në verën
e vitit 2014 më pyetën për një libër, që jepte një përmbledhje të
historisë së kohëve të fundit, unë shtanga. Nuk kishte asnjë libër
për t’iu rekomanduar lidhur me pjesët e rajonit, të përfshira në
konflikt dhe rimëkëmbjen e tyre pas luftës, megjithëse ka libra të
mirë, që fokusohen në shpërbërjen e Jugosllavisë së dikurshme dhe
trajektoret e vendeve të veçanta pas luftës. Ky libër i vogël është një
përgjigje e vonuar ndaj kërkesës së fullbrajtasve për një trajtesë të
kuptueshme, e cila shtjellon luftërat e kohëve të fundit dhe më pas
paqen në gjithë rajonin.