Your cart
There are no more items in your cart
Klaus Mann, ishte fëmija i dytë i Tomas Man-it, lindur në Mynih, më 1906. Ai filloi të shkruante tregime të shkurtra dhe artikuj në vitin 1924. Brenda një viti u bë kritik teatror për një gazetë në Berlin. Më 1925 u botua një vëllim me tregime dhe romani i tij i parë nga shtatë romanet e tij <<<Vallëzimi mjeran». E motra, Erika, me të cilën ai ishte shumë i afërt, kishte një rol në dramën e tij të parë, «Anja dhe Esteri». Man e la Gjermaninë në vitin 1933 dhe jetoi në Amsterdam deri më 1936, periudhë gjatë së cilës u bë shtetas i Çekoslovakisë, pasi iu mohua shtetësia gjermane nga nazistët. U shpërngul në Amerikë në vitin 1936, duke jetuar në Princeton, në New Jersey, dhe New Jork City. U bë shtetas amerikan më 1943. Klaus Man vdiq në moshë te re, dyzet e dy vjeç, në Kanë të Francës.