Albumi I Familjes

Një sekret drithërues fshihet midis fletëve të albumit të fotografive të familjes Van Bemel, burrë, grua, dhe pesë fëmijë, që kanë jetuar në një shtëpi të madhe në provincën holandeze. Elena, bija e tretë e familjes, e kthyer pas njëzet vjetësh në shtëpinë e vjetër, e shfleton atë. Tani është 40 vjeç, mjeke, me një martesë të dështuar pas krahëve dhe me një fëmijë në bark. Ndërsa imazhet e fëmijërisë rrëshqasin memece para syve të saj, Elena rijeton të kaluarën: vite në paqe dhe harmoni deri në lindjen e Idës, vajzës së parafundit, e pafat dhe e destinuar të ngrejë një stuhi fatkeqësish që do të arrijnë kulmin në një tragjedi të parrëfyeshme. Midis romanit psikologjik suspans dhe sagës familjare, Albumi i familjes i zbuloi publikut ndërkombëtar një emër të ri, një talent të madh, një shkrimtare holandeze.