Ditari I Joshjes

"Në suazat e gjera të letërsisë së dashurisë, Ditari i Joshjes përbën diçka që ngjall veçanërisht kureshtjen, ngase kemi të bëjmë me një përpjekje të ethshme për ta shndërruar një dështim në dashuri, përmes një shtjellimi letrar, në formën e një suksesi të mirëfilltë pedagogjik, rrjedhimisht duke e paraqitur një plagë të tillë, sikur të kishim të bënim thelbësisht me diçka për t'u lëvduar".
Ky është thelbi i narrativës së Ditarit të Joshjes, nga Søren Kierkegaard. Kjo vepër, i ka rrënjët në marrëdhënien e autorit me të fejuarën e tij, Regine Olsen. Kierkegaard pati rënë në dashuri me vajzën e re, e cila ishte dhjetë vite më e vogël se ai në moshë, duke i propozuar asaj edhe të martoheshin, paçka se vetë e pati prishur fejesën një vit më vonë.
Kjo ngjarje do të ndikonte thellësisht ndaj Kierkegaard-it. Olsen më tej do të shndërrohej në muzën e tij frymëzuese, ndërsa si pasojë shkrimet e tij kushtuar asaj, nuk do të reshtnin më. Përpjekjet e tij për të ndrequr me shkrim, çfarë ai e ndiente se kish qenë e gabuar në marrëdhënien me Olsen, i patën mësuar atij sekretin e "komunikimit të tërthortë".
Prandaj Ditari i Joshjes shndërrohet vetvetiu në orvatjen e Kierkegaard për t'u shfaqur si i poshtër, duke ia lehtësuar të fejuarës ndarjen e tyre.